نواح وصراخ وبكاء
وعويل دموع وانين وجرح اليم تذبح بقلوب المسيحيين لا تستطيع شفائها السنين
تعالوا هاحكليكم بالتفصيل عن الام وجروح المسيحيين اولها الكشح ودى قصة
عجيبه فيها حصلت احداث اليمه الارض شربت دم والام على ابنها بتئن فيها
اطفال اتيتمت وستات اترملت كان فيها دموع كان فيها عويل وبيوت اتبهدلت اما
القصة الثانية ودى بقى قصة غريبه حصلت فى نجع حمادى وكانت مذبحه كبيره
كانوا الناس فى يوم العيد ولبسين لبس جديد وفجاءة ظهرت صرخة ام وفجاءة بقيت
هدومهم دم واتحول يوم العيد الى الم جديد انتوا لسه ها تضربوا فينا تانى
ما كفايه الكشح ونجع حمادى ورغم الجروح ورغم الالام وماوقفتش الاحزان
ماوقفش النزيف ماوقفش الصريخ واستمرت الالام واستمرت القسيه فى احداث
ماساويه فى حى العمرانيه ودى قصه اعجب من العجب قصة كنيسه على اسم العدرا
والملاك اتبنت تعبنا فى بناها وفرحنا برؤياها بس كالعادة ماكملتش فرحتنا
واوام نزلت دمعتنا واستمر الالم واستمر النزيف لما جم قالولنا المسئولين
يامسيحيين انتم مخالفين وفجاة فى الفجر سمعنا صوت صريخ رحنا جرينا وشفنا
امن كتير بيضرب فى المسيحيين وام بتصرخ على جنين واب بيصرخ على ابنه الكبير
غضبنا وثورنا وطلعنا فى مظاهرات وفى الاخر بقينا احنا الغلطانين واحنا
الجانيين واخذونا على القسم معتقلين واترمينا فى مستشفى ام المصريين
مجروحين ومصابين حد يحوش الامن حد ياخلق يحن حد يقول للمسئولين كفايه
اضطهاد للمسيحيين بس كالعاده هتستمر الالام وهتستمر الاحزان ومش هيقف
النزيف ومش هيقف الصريخ وهتفضل الناس تئن وهيفضل الشعب حزين لكن هنفضل نصرخ
ونقول مالناش غيرك وقت الضيقه نلجا ليه
منقول